Vetëm pak minuta më parë mësohet se forcat e RENEA dhe FNSH kanë kryer kontrolle dhe banesa në zonën e Shijakut, ku një ditë më parë u kryen arrestime masive, mes të cilëve edhe i ashtuquajturi “Bosi i Shijakut”, Flamur Avdyli.
Por vetëm pak orë para se të kryhej ky operacion i së hënës, gjatë një takimi në Laprakë, Kryeministri Rama kishte paralajmëruar në fakt tjetër aksion, e madje te suksesshem.
“Këta të fortët me lidhje të forta kriminale, do të jemi shumë të ashpër me të fortët. Nesër besoj publiku do të njihet me një tjetër operacion të suksesshëm dhe do të vazhdojë deri sa i forti i fundit ta kuptojë se nuk ka të fortë në këtë vend, pasi del nga shtëpia, i fortë është komuniteti. Ne do t’i detyrojmë o të vihen në resht dhe të respektojnë ligjin e këdo qoftë, ose ka vetëm një vend për ta, aty ku shkuan sot ata që janë aty brenda. Historia që një lagje e tërë shqetësohet pse ky fis na ka makina e muskulaturë të zhvilluar, do të mbarojë në këtë vend. Shteti do të jetë në krahun e çdo qytetari dhe familjeje”, tha Rama. / Opinion.al
