Një numër i lartë i rasteve të reja me Covid është shënuar ditën e sotme në Kosovë, ndërkohë që po qarkullon varianti “Delta”.
Instituti Kombëtar i Shëndetësisë Publike në Kosovë njofton se janë regjistruar 2.236 raste me koronavirus, pas testimit të 11.373 mostrave.
Gjatë 24 orëve të fundit kanë humbur jetën si pasojë e Covid-19, 8 persona. Sipas njoftimit, viktimat ishin nga Komuna e Prishtinës, Vitisë, Istogut, Prizrenit, Zubin Potokut, Pejës, Dragashit dhe Mitrovicës.
Po ashtu bëhet me dije se janë shëruar 138 qytetarë.
Që prej 13 marsit të vitit 2020 deri më 19 gusht 2021, Kosova ka regjistruar 123.098 raste me COVID-19, nga të cilat 2.303 pacientë kanë humbur jetën./Opinion.al
