Kryesore

Reforma Zgjedhore ende pezull, Këshilli Politik rikthehet sot në tryezë


Bëhu pjesë e Grupit Zyrtar të Opinion.al
>> KËTU <<
               Publikuar në : 09:02 - 12/06/20 |
Al Do

Këshilli Politik për Reformën Zgjedhore do të mblidhet sot në orën 11:00.

Bashkëkryetari i Komisionit Parlamentar për Reformën Zgjedhore, njëkohësisht anëtar i Këshillit Politik, Damian Gjiknuri thirri anëtarët e tjerë të Këshillit politik, Oerd Bylykbashi, Rudina Hajdari dhe Petrit Vasili për të nisur sa më shpejtë punën për të miratuar të gjitha amendimet e arritura në marrëveshje. Ai ka lajmëruar se në orën 17:00 do të mblidhet Komisioni parlamentar për reformën zgjedhore.

Këshilli Politik pritet të adresojë pikat që është arritur konsensus pasi çdo vonesë e tyre do të krijojë probleme me ngritjen e organeve të reja të KQZ dhe kjo sipas Gjiknurit do të “rrezikojë implementimin e identifikimit biometrik në të gjithë vendin”.

Kjo e fundit ishte një nga pikat që u dekodua mes palëve në marrëveshjen e arritur pas negociatave në selinë e ambasadores amerikane Yuri Kim. Marrëveshja parashikon gjithashtu riformatim të plotë të KQZ, anëtarët e së cilës do të pranohen sipas raportit maxhorancë-minorancë ndërsa në grupet e numërimit do të jenë dy grupe zyrtarësh jo-politikë, një prej të cilëve numëron dhe tjetri asiston dhe ndërrojnë rolet me çdo kuti votimi. U arrit gjithashtu konsensus që administrimi zgjedhor të mbetet siç është.

Më herët palët kanë rënë dakord për financimin miks të fushatave zgjedhore ku parashikohet rritje e financimit nga ana e shtetit dhe ulje të privatit. Por kjo pikë ende nuk është konkretizuar ndaj dhe pritet të diskutohet sot. Çështje të tjera që priten të diskutohen megjithëse në parim është rënë dakord janë hetimet e krimeve zgjedhore, rolin e policisë në zgjedhje, strukturat e reja të KQZ etj.

Megjithatë reforma sipas marrëveshjes rrezikon të mos kalojë në Kuvend pasi opozita parlamentare ka deklaruar se nuk do ta votojë atë. Ata kërkojnë që pjesë e reformës të jetë edhe ndryshimi i sistemit zgjedhor dhe hapja e listave. Në mënyrë që drafti për reformën zgjedhore të kalojë në parlament i duhen 84 vota të cilat mazhoranca nuk i ka.

Ambasadorja e SHBA, Yuri Kim, kryeparlamentari Ruçi dhe kryeministri Rama, kanë zhvilluar takime me krerët e grupeve opozitës në parlament por nuk kanë rënë ende dakord mes tyre. /Opinion.al

Pas