Kryesore

Kosova feston Ditën e Çlirimit, 21 vite nga hyrja e trupave të KFOR-it


Bëhu pjesë e Grupit Zyrtar të Opinion.al
>> KËTU <<
               Publikuar në : 10:00 - 12/06/20 |
Al Do

Kosova shënon sot 21-vjetorin e Ditës së Çlirimit të saj që përkon me hyrjen e trupave ushtarake shumëkombëshe të KFOR-it.

Në Kosovë, në kuadër të KFOR-it, më 12 qershor 1999 filloi vendosja e rreth 50,000 ushtarëve nga 36 vende të botës, prej të cilëve 30,000 ishin nga vendet e NATO-s.

Dislokimi i trupave paqeruajtëse të KFOR-it, 1999, pasoi fushatën e sulmeve ajrore të NATO-s kundër Serbisë, që zgjati 78 ditë.

Ndërhyrja e NATO-s në Kosovë, mundësoi edhe kthimin në shtëpitë e tyre të më shumë se 800 mijë refugjatëve, personave të zhvendosur brenda dhe jashtë Kosovës.

Në Kosovë janë paralajmëruar aktivitete të shumta për nder të kësaj dite. Kuvendi i Kosovës do të organizojë një seancë solemne.

Kryeministri i Kosovës, Avdullah Hoti ka bërë homazhe pranë memorialit të ushtarëve të KFOR-it, të cilët kanë humbur jetën deri sa kanë qenë duke shërbyer në Kosovë.

Ai tha se për Kosovën kjo është një ditë e veçantë.

“Është ditë e veçantë për popullin e Kosovës, këtë ditë, secili për neve e kemi parasysh entuziazmin dhe emocionin që kanë përjetuar qytetarët e Kosovës në atë ditë kur trupat e NATO-s futeshin në Kosovë. Jemi falënderues për partnerët tanë ndërkombëtarë për lirinë që ne sot e gëzojmë”, tha Hoti.

Nga ana tjetër, ish-kryeministri Kurti ka paralajmëruar një tubim në sheshin “Skënderbeu” në Prishtinë. Lëvizja Vetëvendosje feston sot gjithashtu 15 vjetorin e krijimit të saj dhe në protestën e sotme ata pritet që të respektojnë edhe distancën sociale. /Opinion.al

Pas