Projekti i qeverisë Rama për reformën zgjedhore është cilësuar nga ish-deputeti demokrat Oerd Bylykbashi si tallje me vetveten.
Për ish-bashkëkryetari i Komisionit të reformës zgjedhore, ndryshimet 3 muaj para zgjedhjeve do të përkeqësonte më shumë procesin e zgjedhjeve duke cenuar besueshmërinë.
Një tjetër shqetësim për Partinë Demokratike është dhe opsioni i miratimit të reformës zgjedhore me deputetët e rinj të opozitës.
Bylykbashi në një deklarat për mediat, tha se problemi kryesor i zgjedhjeve në Shqipëri është shit-blerja e votës, gjë e cila është evidentuar dhe nga raporti i OSBE-ODIHR.
Ish-deputeti demokrat ka theksuar se PD nuk do të marrë pjesë në zgjedhjet vendore nëse nuk arrihet marrëveshja për qeveri tranzitore.
“Thirrja e zotit Rama është sa qesharake aq edhe shqetësuese për të kuptuar se ku po degradon koncepti i zotit Rama për qeverisjen. Është e gjithëpranuar se kodi zgjedhor nuk mund të ndryshohet përtej një afati të caktuar përpara datës së zgjedhjeve dhe ky afat ka kaluar prej kohësh.
Ndryshimet në këtë fazë do të çonin në një kaos procesin zgjedhor dhe më pas çdo paudhësi nga ato që planifikon Rama si shitblerja e votës, kontrolli i votës nëpërmjet administratës publike, presionit etj do të fshihej pas disa parregullësive të një natyre teknike sepse ligji ndryshoi shumë vonë. Në çdo rast do të ishte një ndryshim i papranueshëm politikisht, do të hidhte në erë çdo lloj besimi në procesin zgjedhor ndryshimi i kodit në mënyrë të njëanshme.
Në këtë bibël, raporti i ODIHR është ai që përcakton se kush janë problemet e zgjedhjeve. Problemi i zgjedhjeve është shitblerja e votës, rekomandimi numër dy, prioritar. Por problem më i rëndë, më i madh dhe i shtrirë është ai që vë në pah më pas shitblerjen e votës, është kontrolli dhe kapja masive e votës nëpërmjet kontrollit të shtetit”- tha Bylykbashi./ Opinion.al E.Xh.
