Ambasadori amerikan, Donald Lu ka shkuar sot në selinë e PDsë për të zhvilluar një takim me kreun e opozitës Lulzim Basha. Takimi nisi në orën 10:00 dhe përfundoi rreth orës 11:00.
Mësohet se në fokus ka patur reformën në drejtësi. Ambasadori amerikan është angazhuar fort si ndërmjetësues mes palëve për miratimin e reformës në drejtësi, e cila sipas mesazheve të eurodeputetëve, duhet të kalojë pa u mbyllur ky muaj.
Mirëpo, mazhoranca dhe opozita nuk bien dakord për një pikë të draftit. Opozita kërkon vende të rezervuara për institucionet e reja që lindin nga ndryshimet kushtetuese, ndërsa mazhoranca nuk lëshon pe në këtë aspekt.
