Kryeministri Edi Rama, sot, ka drekuar me peshkatarët në Portin e Durrësit, për t’u njohur nga afër me problematikat e këtij sektori.
Gjatë drekës me ta, një peshkatar i ka shprehur shqetësimin kryeministrit për varkën e peshkimit që ja kanë mbajtur peng në Egjipt dhe pa paguar 50 mijër euro nuk ja japin.
Peshkatari i kërkoi ndihmë kryeministrit, ndërsa ky i fundit i thotë se në dijeninë e tij problemi ishte zgjidhur. Në atë moment Rama i kërkon Vangjush Dakos t’i telefonojë ministrit të Jashtëm, Ditmir Bushati. Teksa Bushati e hap telefonin, Gjushi ia kalon Ramës.
“O Ditmir fol pak të lutem me këtë zotërinë për punën e asaj varkës”, i thotë kryeministri dhe i kalon telefonin peshkatarit.
Një tjetër peshkatar i pranishëm në tavolinë i thotë për Bushatin: “Është çun i urtë ai, nuk të zgjidh gjë”.
Ndërsa Rama ia kthen: “Edhe aq i urtë sa duket nuk është jo…”.
