Deputetja e Partisë Demokratike, Jorida Tabaku, sot, ka akuzuar qeverinë se në tenderin e fundit për karburant, u ka shpërndarë bizneseve pranë saj, shumën e 44 miliard lekëve.
Me anë të një shënimi në Facebook, Tabaku tregon se në katër vjet qeverisje, buletini i prokurimeve ka qenë regjistri i abuzimit me paratë e shqiptarëve.
“Kjo nuk ështe vetëm çmenduri, por makutëri. Ja si përgatitet të përdorë cdo grimcë pushteti për zgjedhjet. Nuk mjaftojnë kriminelët, nuk mjaftojnë apratë e drogës, vendet e hapura rishtaz në adminsitratë duhej dhe qindarka e fundit!”, thekson ajo.
Tabaku shkruan se qeveria kërkon t’u japë bizneseve të saj, nga paratë e shqiptarëve 4 herë më shumë para se sa katër vjet më parë, edhe pse sot, shqiptarët paguajnë më shumë taksa se çdo kush tjetër në rajon.
Shënimi i plotë:
Katër vjet më parë, kryeministri akuzonte qeverinë Berisha se shpenzonte paratë e shqiptarëve për karburant. Se shpenzonte paratë e taksapaguesve për t’ia falur bizneseve dhe zotohej se asnjë qindarkë e shqiptarëve nuk do të shkonte dëm.
Në katër vjet buletini i prokurimeve ka qenë regjistri i abuzimit me paratë e shqiptarëve. Në katër vjet prokurimet publike kanë qenë borderoja ku oligarkët e qeverisë shtrydhnin buxhetin. Në katër vjet ai ka qenë çertifikata e abuzimeve të rilindjes.
Sot, në fundin e shëmtuar të saj, rilindja ka ndërmarrë një tjetër aksion plaçkitës ndaj taksave tona. Ne tenderin e fundit për karburant ajo do të shpërndajë në bizneset pranë saj shumën e 44 mld lekëve. Do t’u japë nga paratë e shqiptarëve 4 herë më shumë para se sa katër vjet më parë. Edhe pse sot, shqiptarët paguajnë më shumë taksa se çdo kush tjetër në rajon.
Kjo nuk ështe vetëm çmenduri, por makutëri. Ja si përgatitet të përdorë cdo grimcë pushteti për zgjedhjet. Nuk mjaftojnë kriminelët, nuk mjaftojnë apratë e drogës, vendet e hapura rishtaz në adminsitratë duhej dhe qindarka e fundit!
Për transparencë tenderat për 5 vitet e fundit (kjo shifër nuk përfshin institucionet e varësisë, bashkitë etj):
2017 është shpallur me vlerën 4,39 mld (elektoral)
2016 ka qënë 1,3 mld;
2015 ka qënë 1 mld;
2014 ka qënë 1,58 mld;
2013 ka qënë 1,16 mld (elektoral)
