Kryeministri Edi Rama përmes një statusi në rrjete sociale shkruan se Shqipëria do të mbështesë fuqishëm Kosovën, pas draftit të BE-së të pranuar nga Kosova dhe Serbia për normalizimin e marrëdhënieve mes tyre.
Kreu i qeverisë thekson se këtë mbështetje do ua tregojë personalisht në një vizitë zyrtare që do të bëjë personalisht në Prishtinë.
“Nuk mund të jem më krenar për kontributin e vendosur dhe konkret të Shqipërisë në procesin e vështirë të normalizimit të marrëdhënieve ndërmjet Kosovës dhe Serbisë. Megjithatë, draft-statuti i ASMM-së i pranuar nga Kosova dhe Serbia si dokument i përshtatshëm pune është draft i BE-së. Shqipëria do të mbështesë fuqishëm Kosovën në zbatimin e Marrëveshjes Themelore dhe do të vazhdojë të luajë rolin e saj në promovimin e paqes, stabilitetit dhe bashkëpunimit rajonal ndërmjet të gjitha vendeve të fqinjësisë sonë. Së shpejti do të shkoj në Prishtinë për të treguar personalisht mbështetjen time”, shkruan Rama.
