Kryeministri Edi Rama zgjodhi Vlorën për të prezantuar planin kombëtar për pastrimin e territorit në vendin tonë.
Teksa shprehu kritika për kryebashkiakët, Rama tha se do të ketë saksione për kryetarët e bashkive që nuk i dërgojnë mbeturinat në inceneratorë dhe landfille.
Kreu i qeverisë tha se ministrja e Mjedisit do të jetë e pranishme në mbledhjet e Këshillit Bashkiak dhe do bëjë thirrje për rrëzimin e buxhetit, nëse kryetari i bashkisë nuk ka siguruar fondet për pastrimin.
Përtej turizmit, kjo ndotje dëmton ekonominë dhe mirëqenien e secilit, sikurse edhe shëndetin. Kjo shishe plastike do 1 mijë vjet që të tretet, prania e mbetjeve të tilla mbi tokën tonë, është sëmundje, është kancer. Ky nuk është një aksion por një plan sistematik, ku do pastrohen fillimisht pikat e nxehta apo hotspot-et pastaj do garantojmë të mos rikrijohen, sepse nuk është hera e parë që bëjmë aktivite të tilla. Asnjë bashki nuk do lejohet të bëjë asgjë tjetër nëse nuk garanton burimet financiare për pastrimit, dhe nëse nuk garanton që ato burime përkthehen në një territor të pastër. Ministrja do jetë në cdo mbledhje të Këshillit Bashkiak dhe do tu bëjë thirrje këshilltarëve ta rrëzojë buxhetin, nëse kryetari nuk ka sjellë fondet e nevojshme për pastrimin. Cdo bashki ka sot një pike fundore për grumbullimin e mbetjeve. Pikat fundore janë qoftë inceneratorët qoftë landfillët, dhe asnjë bashki nuk do lejohet të krijojë pika të tjera të paligjshme. Ligji parashikon sanksione”, tha Rama.
