Aktualitet

Rama: Procedohen fshatarë për një avlli… emri është korrupsion


Bëhu pjesë e Grupit Zyrtar të Opinion.al
>> KËTU <<
               Publikuar në : 10:44 - 08/07/21 |
Opi Nion

Kryeministri Edi Rama është treguar i ashpër me të gjithë drejtuesit e rinjë të policisë së Shtetit ditën e sotme gjatë një konferencë të zhvilluar me ta.

Ai është shprehur se ndërtimet pa leje janë gjithshtu krime, të cilat nuk janë momentale por janë ndërtime të bëra në një kohë relativisht të gjatë për të evidentuar shkeljet dhe pikërisht për këtë problem Policia e Shtetit nuk ragon në kohë.

E gjithë kjo skemë sipas kryeministrit Rama mban emrin korrupsion.

“Janë çuar për ndjekje penale fshatarë në zona të humbura për një avlli, për një gardh, për një mur, dhe ndërkohë janë toleruar veprimtari kriminale të ndërtimit pa leje në zonat turistike, në zonat e mbrojtura natyrore, arkeologjike.

Megjithëse në mënyrë të përsëritur e kemi nënvizuar, që është e turpshme, e frikshme, e pagëlltitshme, që strukturat e policisë në territor të shpenzojnë energji, kilometra, kohë për të shkuar e për të futur në telashe e ndjekje penale fshatarë që rregullojnë avllitë, ndërkohë që para syve të tyre dhe me miratimin e pjesëmarrjen e tyre në korrupsion hidhet beton në pjesët më të bukura të trupit të vendit tonë. Kultivohen puçrra me qelb në trupin e bukur të Shqipërisë.

Bëhen ndërtime pa leje brenda vijës së verdhë të bashkive, hidhet beton. Çfarë bën Policia e Shtetit në ato kuadrate që janë të ndara qartësisht mes komisariateve? Kthen sytë nga ana tjetër. Këtu nuk flitet për skena krimi, ku në pak sekonda del një armë dhe ata që gjuajnë ikin me motor, këtu flitet për skena krimi aktive me orë, ditë, javë të tëra. Është krim i përcaktuar si i tillë e zeza mbi të bardhë në Kodin Penal të Shqipërisë. Është si cdo krim tjetër, madje me dënime shumë të rënda. Dhe këto skema krimi zhvillohen në sytë e policëve, që kanë detyrimin ligjor të veprojnë menjëherë. Kjo nuk ka asnjë emër tjetër. Emri është korrupsion, ryshfet, bakshish, neveri, shëmti!”, u shpreh kryeministri Rama./Opinion.al

Pas