Kryeministri Rama ka folur në një konferencë për mediat lidhur me Reformën Zgjedhore dhe ndryshimet kushtetuese të propozuara nga opozita parlamentare.
Kryeministri tha se mazhoranca ndodhet mes kërkesave të opozitës parlamentare dhe jashtëparlamentare. Ai theksoi se do të respektojë marrëveshjen e 5 qershorit por nënvizoi se do të respektojë edhe deputetët në parlament.
Rama iu përgjigj edhe akuzave të opozitës dhe presidentit duke thënë se ky i fundit po anatemon parlamentin të cilin e theksoi se është sovran.
“Sot komisioni i ligjeve ka votuar fjalë për fjalë draftin e dakordësuar me opozitën jashtëparlentare me 5 Qershor. E kemi votuar me shumicë, jo me konsensus, sepse opozita parlamentare refuzon të pranojë mosdepolitizimin e komisioneve të votimit dhe numërimit, çka siç e dini, është lëshimi i madh i bërë nga PS jo me hirin e objektivave të vet, por me pahirin e një nevoje për ta përfshirë opozitën jashtëparlamentare në proces. Ndërkohë që dje, komisioni i ligjeve i ka hapur rrugë pjesëmarrjes së qytetarëe jo vetëm në zgjedhjen e partive, por edhe në dhënien e pëlqimit për deputetin a deputeten dhe njëkohësisht pa rrezikuar një arritje madhore të PS në radhë të parë, por edhe të forcave të tjera politike në këto vite, përfaqësimin e grave dhe vajzave.
Kjo nismë kushtetuese ka patur konsnensus të plotë me opozitën parlamnetare në votimin e djeshëm. Jemi në mes, si shumicë qeverisëse dhe PS, të dy palëve me të cilët kemi konsensus të plotë për atë që këto palë më vete duan dhe nuk kemi konsensus për atë që keto palë më vete nuk duan.
Ndërkohë reagimi i opozitës jashtëparlemntare dhe presidenciale, ndaj kësaj nisme kushtetuese të kuvendit është i paparanueshëm, qoftë në aspektin etik, qoftë në atë politik dhe qoftë në atë kombëtar. Pse? Sepse, unë e di, ju e dini, gjithë populli e di që as opozita jashtëparlmentare as opozita presidenciale, nuk e vlerësojnë dhe as reskeptojnë kuvendin. Por kjo nuk e ndryshon faktin, që parlamenti i vendit është sovran dhe në aspektin etik, nuk është e denjë që kuvendi të sulmohet, anatemohet, të përbuzhet, qoftë nga një institucion si ai i presidentit të Republikës dhe këtë e them se në radhë të parë etika institucionale është baza e shkruar në çdo paragraf të parë të çdo edukate shteti dhe qoftë nga vetë opozita jashtëpalrmanetare, e cila zgjodhi ta braktisë kuvendin, zgjodhi ta zhvlerësojë kuvendin me vendimin e vet sovran. Asjnë nuk e shlyen përgjegjësinë që ka për ata që sot janë deputetë në parlament, i ka sjellë opozita jashtëparlamnetare me firmën dhe vlën e drejtuesve të saj. Dhe s’na mbetet veçse ta respektojmë çdo deputet në radhët e opozitës.
Do të diskutojmë nismën kushtetuese pa cënuar asnjë pikë të ç’ka do të integrohet në kodin zgjedhor si frut i marrëveshjes me opozitën jashtëparlamentare. Parlamenti është sovran dhe mbi të s’mund të dalë askush.”, tha Rama. /Opinion.al
