Kryeministri Edi Rama tha në takimin elektoral në Gjirokastër se opozitës i ka ardhur koha që të tretet rrugëve.
“I ka ardhur koha që të treten rrugëve. Koha kur socialistet i hapnin rruge budallait ka mbaruar. Jo vetëm qe nuk ka për ti hapur rruge çetave që kërcënojnë të marrin peng vendin dhe ka vendosur ti japë një përgjigje përfundimtare në 30 qershor. Ti tregojmë se kush tenton të pengojë zgjedhjet meriton të përfundojë rrugëve” tha Rama.
Sa i përket akuzave që i janë bërë se do të marrë të gjithë pushtetet në vend Rama deklaroi në Gjirokastër se këtë gjë mund ta kishte bërë dy vite më parë dhe se ndërkombëtarët i kishin lënë dorë të lirë në këtë gjë.
“Po të ishte se unë doja ti merrja të gjitha para dy vjetësh i kisha marrë të 140 mandatet, sepse dhe ndërkombëtarët na thanë vazhdoni përpara se me këta nuk merresh vesh”
Kryeministri shtoi se në 2017 Partia Demokratike e votoi reformën e drejtësisë e shtrënguar nga presioni i vendeve të BE dhe SHBA.
“Me dajak amerikan dhe evropian erdhën dhe votuan reformën në drejtësi në parlament. Si asnjë herë më parë u votua në parlament me kartonat lart dhe kokat poshtë” shtoi ai.
Edi Rama u prit me protesta të mbështetësve të opozitës të cilët tentuan të bllokonin rrugën nacionale që eskorta e kryeministrit të mos hynte në Gjirokastër. /Opinion.al
