Kryesore

Rama – opozitës:Ideja që hapja e listave prish marrëveshjen është çmenduri


Bëhu pjesë e Grupit Zyrtar të Opinion.al
>> KËTU <<
               Publikuar në : 13:32 - 10/07/20 |
Al Do

Kryeministri Rama deklaroi se akuzat e opozitës se hapja e listave prek marrëveshjen e 5 qershorit është e pa bazë.

Ai tha se kjo alibi nuk qëndron pasi PD dhe LSI kanë qenë pjesë e këtij procesi nga fillimi dhe se marrëveshja nuk preket.

“Vënia e kujës se duke hapur listat u prish marrëveshja dhe po bëhet dicka kriminale është krejtësisht e pa bazë.  Marrëveshja nuk mund të preket nga ne. Ky është ngërci i vetëm që kemi me opozitën parlamentare. Do të kërkojmë nga ata që mos të kërkojnë ndërhyrje sa i përket administrimit të zgjedhjeve

Opozita jashtë parlamentit ska asnjë alibi, zero, për të kërkuar apo pretenduar mugesë të garancive. Është pjesëmarrëse në proces nga a te zh. Ideja që hapja e listave prish marrëveshjen është cmenduri. Kërcënimet dhe aludimet se ne do bëjmë kshu e ashu nuk e ndihmojnë procesin në raport me europën. Peng ps dhe kuvendin nuk e merr dot askush nga jashtë kuvendit, as me forcë e as me kërcënime. Në raport me europën ne jepi absolutisht të qartë. Produkti është ai që flet. Do të ishte shqetësuese nëse PS do të shfrytëzonte këtë situatë për të garantuar mazhoranca që do ta conin sistemin drejt një rënieje të cilësisë së demokracisë. Por të diskutosh hapjen e listave dhe ta cilësosh si cënim të demokracisë kjo është marrëzi.”, tha Rama. /Opinion.al

Pas