Kryeministri Rama ka thënë se as marrëveshja e 5 qershorit me opozitën nuk do të votohej nëse do të përdorej logjika se s’mund të bëhen ndryshime zgjedhore një vit para zgjedhjeve.
I pyetur nga gazetarët lidhur me deklaratat e amabasadores Kim dhe eurokomisionerit Varhelyi, Rama tha se shqetësimi i tyre është korrekt dhe se marrëveshja do të votohet pa u prekur. Por ai nuk përjashtoi gjithashtu edhe hapjen e listave
“Unë kam absolutisht admirim për angazhimin dhe për këmbënguljen e ambasadores së SHBA, miqëve në Beriln dhe Bruksel për të realizuar atë marrëveshje. E kam thënë që do të jetë hera e fundit që do bëhen marrëveshje në ambasada. Do bëjmë atë që thotë ambasadorja nuk do mbajmë peng marrëveshjen. I mirëkuptoj miqtë e huaj që nuk dinë procesin procedural por nuk mund të kuptoj PD që thotë kalojeni sot. Marrëveshja është në procedurë. Sa i përket asaj një vit, e para jemi një vit, se kemi dhe një sezon tjetër. Nëse flasim me këtë logjikë i bie të mos votojmë as marrëveshjen. Ai viti nëse përdoret si referencë dhe përdoret për të gjitha sepse flitet për cështje zgjedhore. Këtu hyn edhe kushtetuta qoftë dhe kodi. Kshuqë mirëkuptoj shqetësimin dhe adresimi është korrekt nga të gjithë miqtë. Marrëveshja nuk do të preket. Nuk mund të ndalohet Kuvendi, për të bërë cfarë, jo për të bërë Edi Ramën mbret por për ti dhënë më shumë pushtet qytetarëve.”, tha Rama.
Më herët, eurokomisioneri për Zgjerimin, Oliver Varhelyi, kërkon miratimin sa më të shpejtë të Reformës Zgjedhore sipas dakordësisë së 5 qershorit dhe është kundër kërkesës së opozitës parlamentare dhe Ramës për hapjen e listave të deputetëve dhe ndryshimin e sistemit zgjedhor.
Përmes një postimi në Twitter, eurokomisioneri thekson se për çdo ndryshim tjetër në lidhje me sistemin zgjedhor, disktimet dhe konsultimet duhet të nisin të paktën 1 vit para zgjedhjeve. /Opinion.al
