Aktualitet

Rama nxjerr nga zyra Shoqatën Antikomuniste të të Përndjekurve


Bëhu pjesë e Grupit Zyrtar të Opinion.al
>> KËTU <<
               Publikuar në : 15:23 - 18/10/18 |
b.f

Në ditën e lindjes së diktatorit Enver Hoxha, Edi Rama i ka kërkuar Shoqatës Antikomuniste të të Përndjekurve Politike që të dalin nga zyra.

Lajmi është bërë i ditur nga kreu i shoqatës, Nebil Çika.

Me anë të Ministrisë së Drejtësisë, Rama i ka kërkuar shoqatës që të lirojnë zyrën që ndodhet në ambientet e saj përballë kryeministrisë.

Ministria e Drejtësisë e justifikon këtë me arsyetimin se ‘vë në rrezik sigurinë e Kolegjit të Posaçëm të Apelimit dhe Komisionari Publik të Vettingut’.

Në reagimin e saj, shoqata tregon se selia është në këtë vend me VKM që në vitin 1994 të ndryshuar në vitin 1998.

Logjikisht e ligjërisht duhet që një VKM tjetër të ndryshojë të parën dhe të rregullojë sistemimin tonë, por ne nuk kemi asnjë dijeni për një vendim të tillë”,-citohet nga deklarata për mediat.

Shoqata thekson se kemi dyshimin e besueshëm se kemi të bëjmë me një akt të pastër të shantazhit politik që lidhet jo me praninë fizike tonën këtu por me punën, aktivitetin dhe qëndrimet tona politike.

Me sa duket qeveria nëpërmjet ministrisë së linjës të drejtësisë ka zgjedhur mjetet komuniste të shantazhit për ti mbyllur gojën të përndjekurve antikomuniste me qëllim që ne të mos kërkojmë dënimin e krimeve të komunizmit, autorë të të cilëve janë një pjesë e konsiderueshme e politikës në pushtet drejtësisë dhe administratës shtetërore apo të afërm gjenetike të tyre”,- thuhet në deklaratë.

Të përndjekurit politik i bëjnë thirrje qeverisë shqiptare të heq dorë nga këto praktika komuniste shantazhi ndaj të përndjekurve politikë antikomunistë që kanë si qëllim pengimin e punës së shoqatës, mbylljen e gojës për krimet komuniste dhe padrejtësitë e tjera që i janë bërë apo edhe i bëhën shtresës së të përndjekurve nga komunistët dhe pinjollët e tyre.

Përmes kësaj deklarate, ata i bëjnë thirrje Presidentit të Republikës, Ilir Meta, kreut të opozitës Lulzim Basha dhe veçanërisht deputetëve të përndjekur politike të komunizmit dhe përfaqësive diplomatike perëndimore SHBA, BE etje të përdorin autoritetin dhe ndikimin e tyre ndaj qeverisë shqiptare me qëllim ndërprerjen e shantazhit politik ndaj tyre.

Pas