Aktualitet

Rama nga Air Albania: Brenda 14 muajsh përfundojmë procesin e vaksinimit


Bëhu pjesë e Grupit Zyrtar të Opinion.al
>> KËTU <<
               Publikuar në : 10:45 - 17/02/21 |
Doriana Çepunaj

Kryeministri, Edi Rama, ka folur nga stadiumi Air Albania ku po vijon të zhvillohet procesi i vaksinimit. Ai ka thënë se për rreth 1000 persona vaksinimi do të përfundojë këtë javë ndërkohë që vendi është pranë finalizimit të një marrëveshje për të marrë 360 mijë doza vaksina nga AstraZeneca. Më tej ai theksoi se qeveria mbetet te skenari A dhe brenda 14 muajsh kemi përfunduar të gjithë procesin e vaksinimit.

“Për rreth 1000 persona vaksinimi do të përfundojë këtë javë ndërkohë që po shtrihet në të gjithë rrjetin e bluzave të bardha. Sot janë prezent dhe mjekë nga Mati dhe Bulqiza, nesër do jemi në Vlorë do vazhdojmë me zonën poshtë. Do vazhdojmë vaksinimin me një numër tjetër të moshuarish që janë personalitete që duhet ti mbajmë sa më mirë dhe jo thjesht të kujtohemi kur vdesin e të mbajmë fjalim. Presim një konfirmim të rëndësishëm për të formalizuar 360 000 doza me Astrazenecën. Mbrëmë kemi pasur një kontakt me një shtet mik dhe përsëri edhe aty kemi shumë shpresa se do kemi dhe një sasi tjetër. Mbetemi të bindur se skenari A, që do të thotë se brenda 14 muajsh të kemi kryer të gjithë procesin e vaksinimit”, tha Rama./Opinion.al

Pas