Politikë

Rama në Farkë, batuta me të moshuarin: Kush i thotë vetes hajvan, është…


Bëhu pjesë e Grupit Zyrtar të Opinion.al
>> KËTU <<
               Publikuar në : 17:10 - 12/12/19 |
Opi Nion

Mbrëmjen e sotme, kryeministri Edi Rama, i shoqëruar nga kryebashkiaku Erion Veliaj, ishin në shtëpinë e re të një familjeje në Farkë. Dy muaj më parë familja e Sefer Poçit mbeti në qiell të hapur nga tërmeti i 21 shtatorit, ndërsa shtëpia e re sapo ka përfunduar.

Kryeministri, teksa uroj familjen për shtëpinë e re, ka shoqëruar me karrocë plakun e familjes, prind i 10 fëmijëve e gjysh i shumë nipërve e mbesave.

Por, si zakonisht në takimet e Ramës me qytetarët, as sot nuk kanë munguar batutat.

Rama iu drejtua të moshuarit duke thënë; “Më lër të bëhem shoferi yt. S’ke besim tek shoferi. Unë patentë nuk kam por timon kam”.

Ndërsa më tej shefi i maxhorancës ka folur edhe për shtëpinë e tij në Surrel, fshatin e djalin e tij Zahon.

Djali im ishte me një shok nga qyteti kur pa delen tha ça është ky qen. Kurse djali im i njeh të gjitha llojet e deleve e kafshëve… E di pse thonë bunker këta sepse shtëpitë i duan me kolona si të Greqisë së lashtë me peshq, tavanet me lule me allci. Unë kam bërë një mur, kam oborrin brenda”, tregoi Rama.

Ndërsa plaku e quajti veten hajvan, Rama ia ktheu; “Kush i thotë vetes hajvan është më i zgjuari”. Gjithashtu, kryeministri nuk ngurroi edhe njëherë të shprehte antipatinë e tij për mediat dhe analistë. “Ti je për televizor jo ata. Po të kisha ty në televizor, do të shihja ty po këta nuk i shoh dot. Këta që sheh ti nuk i shoh dot”, tha Rama./ Opinion.al

Pas