Kryesore

Rama: Meta, më skandalozi që ka njohur ai institucion


Bëhu pjesë e Grupit Zyrtar të Opinion.al
>> KËTU <<
               Publikuar në : 10:16 - 19/04/22 |
Opi Nion

Partia Socialiste mblodhi sot Grupin e saj Parlamentar ku do të depozitohen emrat e propozuar nga ana e deputetëve për emrin e presidenti të ri.

I pari që mori fjalën ishte kreu i PS-së, njëherësh kryeministri Edi Rama. Që në nisje të fjalës para deputetëve të tij, Rama nuk i kurseu kritikat për presidentin Ilir Meta, ndërsa specifikoi disa nga elementët që duhet të ketë kreu i ri i shtetit.

“Mirëdita të gjithëve. Sot siç edhe jeni informuar, jemi mbledhur për të startuar dhe brenda grupit tonë parlamentar, procesin e identifikimit të kandidaturës më të përshtatshme për presidentin/en e republikës. Për herë të parë PS ka mundësi që ta zgjedhe e vetme presidentin, çka do të thotë se për herë të parë PS ka përgjegjësinë për cilësinë e kandidaturës. Në ,pamje të parë kjo duket sfidë e lehtë, po të kemi parasysh se thuajse çdo kandidaturë që mund të plotësonte disa kritere fare elementare, si përshembull njohjen e gjuhës shqipe, si përshembull emër me një karrierë profesionale, apo vetëpërmbajtjen në raport me ligjin dhe me Kushtetutën, do të ishte më e mirë se sa presidenti aktual i republikës së Shqipërisë. Nga ana tjetër, ajo çka e bën këtë moment shumë përcaktues për karakterin për ambicien e PS, është se nuk mjafton thjesht të zgjedhim një person që do të ishte më i përshtatshëm për atë rol se sa Ilir Meta. Gjë që do ta përmbyshnin si kriter 90% ë shqiptarëve. Por është që të zgjedhim një figurë për të luajtur në 5 vitet e ardhme rolin e kreut të shtetit që të rrezatojë normalitet.”, tha Rama.

Deputetët socialistë do të dorëzojnë nga një zarf, brenda të cilit do të jenë 3 emra, ndërsa gjithçka do të bëhet në kushte anonimati.

PS ka ngritur një grup pune që do të zhvillojë konsultimet me grupet e tjera e parlamentare në Kuvend, për të përzgjedhur një emër konsensual, ndërsa të mërkurën thuhet se do të ulet në një tryezë me opozitën. Mësohet se Balla nesër ka ftuar në Kryesinë e Kuvendit pasditen e nesërme përfaqësuesit e 3 grupeve parlamentare, Enkelejd Alibeajn, Mesila Dodën dhe Fatmir Mediun.

Maxhoranca ka mandatuar kreun e grupit parlamentar të PS-së, Taulant Ballën, Elisa Spiropalin dhe Damian Gjiknurin në grupin e punës, që do të menaxhojnë procesin për zgjedhjen e presidentit të ri të vendit. Kujtojmë se Ilir Metës i mbaron mandati i presidentit më 24 korrik.

Pas