Kreu demokat Lulzim Basha ka replikuar pas fjalës së Kryeministrit Rama në kuvend, kur ky i fundit referuar ngjarjeve në Himarë, përfundoi me fjalinë: “Ik kërceni palikarin tani”.
Basha tha se Rama e ka zhveshur gojën, duke përdorur fjalë të ndyra, që në fakt i përdori si të ishin greqisht:
Pjesë nga replika e Bashës:
E filloi duke zhveshur gojën, duke përdorur fjalë të ndyra. Juve ju duket greqisht, por ishte provokim. Se i ka mbetur të zhveshë gojën, vetëm të mos i japë përgjigje pyetjes:
A je ti kryenministri i një vendi ku dalin 1. 13 miliardë euro dalin nga droga?”
Basha ka shtuar se Rama e ka kthyer vendin në bazë të krimit të organizuar, se i bëri kriminelët deputetë dhe se nuk jepo asnjë garanci për të nesërmen.
“Shqiptarët të shohin përtej vellos së përdalë që mundohet t ‘i hedhë parlamentit ky palo kryeministër. A ka ky njeri kurajo t’u thotë shqiptarëve pse i bëri kriminelët deputetë”, tha lideri demokrat.
