Ka nisur prej rreth 20 minutash konferenca live që po zhvillon Kryeministi Rama në rrjetet sociale por që transmetohet live edhe në TV informative. Edhe pse qindra vetë i kishin bërë pyetje Ramës në Facebook dhe Twitter dhe prisnin përgjigje, ai po flet për arritjet e qeverisë, duke bërë një përmbledhje të punëve të mira, që sipas tij, ka bërë këto 3 vite. Ndërkaq komentuesit që e ndjekin live në rrjetet sociale i kërkojnë Kryeministrit të lërë “fasadat” dhe tu përgjigjet pyetjeve konkrete.
Pjesë nga fjala e Ramës
“Kemi bërë shumë reforma, disa të suksesshme e disa më pak, por mos harroni se si e gjetëm vendin”, u shpreh ai ndër të tjera. Ndërsa duke folur për investimet, Rama tha se “nuk mund të bëjmë në kaq pak kohë atë që nuk u bë për 20-25 vite. Po bëjmë qendrat e qyteteve sepse aty nis zhvillimi. Po të ishte nisur nga qendrat para 20 vitesh, sot s’do kishte rrugë të pashtruar”, vijoi ai.
