Kryeministri Edi Rama, me anë të një statusi në “Twitter”, ka bërë thirrje për të gjithë portalet që të heqin reklamat e basteve. Kjo nismë ka ardhur në ndihmë të ligjit për mbylljen e pikave të bastit dhe kazinove në zonat e banuara. Rama ka kërcënuar me mbyllje të gjithë portalet që i reklamojnë këto biznese:
“Bastet e kazinote elektronike do të dalin jashtë ligjit në 31 dhjetor. Ama çdo reklamim i tyre në çdo lloj media, është i jashtëligjshëm. Portalet që kanë ende reklama të tilla t’i heqin vetë se ndërkohë po punohet për mbylljen e tyre! Mos kemi llafe për lirinë e shtypit pastaj?”
