Aktualitet

Rama i përgjigjet Metës: Nuk kemi humbur asnjë arbitrazh


Bëhu pjesë e Grupit Zyrtar të Opinion.al
>> KËTU <<
               Publikuar në : 14:36 - 02/10/20 |
Al Do

Kryeministri Rama deklaroi sot se Shqipëria nuk ka humbur asnjë arbitrazh dhe se po vazhdojnë përpjekjet për sprapjsen e vendimeve.

Imagjinoni ka disa kohë që është ngulur në opinion ideja që ne kemi humbur arbitrazhe, madje një pjesë mendojnë se ne kemi paguar dhe paratë e humbjeve, po ju ça bëni ju? Pse nuk shikoni a është e vërtetë kjo sespse proceset mbarojnë kur mbarojnë jo kur janë në mes, deri tani ne nuk kemi asnjë proces në arbitrazh të humbur, kemi skuadra që punojnë për t’i sprapsur këto vendime që janë të natyrës paraprake. Se mirë ata që e kanë detyrë ndaj një populli të tërë që mos ia kërcasin kokoshkës por ju duhet ta ndihmoni publikun mos mbytet në llumin e gjysmë të vërtetave. Nuk kemi humbur arbitrazhe deri tani që po flasim, asnjë, dhe vazhdojmë përpjekjet për të zbrapsur vendimet paraprake. Ka dhe një rregull që shteti s’duhet të bëjë koment se çdo koment konsiderohet shkelje e procesit të rregullit gjyqësor, tani llogariteni vetë autorin (e ka fjalën për Metën) me këtë fakt dhe imagjinoni sa e ka mendjen te kjo”, u shpreh shefi i qeverisë Rama krah homologut të tij Hoti, në konferencën e përbashkët për shtyp.

Më herët presidenti Meta ngriti shqetësimin e gjyqeve të humbura në Gjykatën e Arbitrazhit nga shteti shqiptar të cilat tha se po shtojnë borxhin e ekonomisë shqiptare.

Kreu i shtetit tha se prej dy muajsh i ka dërguar dy letra strukturave të shtetit ku kërkon llogari për përgjegjësit dhe përllogaritjen financiare të dëmit ekonomik por nuk ka marrë asnjë përgjigje./ Opinion.al

Pas