Kryeministri Edi Rama duke folur në foltoren e Parlamentit ofendoi deputetët e opozitës duke u thënë “miza që shkojnë pas psillëkut. Njerëz që keni rënë viktima të Saliut, etj”. Sipas tij të vertetat në vend janë gjithmonë e kundërta e atyre që thotë PD-ja. Më tej thumboi edhe deputetet e tij që votuan kundër plehrave, duke u shprehur se “i kemi për të prishur syrin e keq”.
Pjesë nga deklarata e Ramës
120 mijë ton mbetje do të ngeleshin në rrugë dhe në fusha nëse nuk do të ishte kjo industria e përpunimit.
U drejtohet deputeteve te PD: – Saliu i di këtë gjë, kurse ju jo sepse jeni viktima të pafajshme të mungesës së kapacitetit tuaj për të mësuar.
U ka neutralizuar që të mësoni vetëm ato gjëra që u thotë Saliu. Po bëni të njëtin gabim që e bëni qysh se Saliu ju la drejtorin e SHQUP për kryetar partie. Ngrini kauza mbi asgjë, mbi alibira.
Tek kjo çështje do të humbni siç humbët në Dibër, siç humbët e vazhdoni të humbni me kanabisin, siç keni humbur duke shkuar nga humbja në humbje…
Ka një të mirë kjo përballja me ju, se po informoj njerëzit e keqinformuar nga gjithollogët, që janë edhe mes nesh (PS) që të mos na marrin në sysh.
Ju jeni si miza (deputetet e PD) që shkoni e llocni, aty do ngecni…
Në këtë përpjekje është fat t’ju kesh përballë. Kur ju flisni për plehrat populli kupton shumë gjëra. Edhe unë i kam mësuar për shkak të detyrës si Kryeministër. Kam një njësi matëse për të kuptuar se si janë punët. Ju dëgjoj ju dhe mendoj të kundërtën dhe më del e vertetë. Pra kjo është rruga që duhet të çojë edhe njerëzit tek e verteta të marrin gjithnjë përbazë të kundërtën e atyre që thoni ju…
