Kryetari i Partisë Demokratike, Lulzim Basha ka zhvilluar ditën e sotme një takim me qytetarët e Durrësit. Basha është shprehur se opozita nuk do të bëj asnjë hap pas nga vendimet e saj.
Kreu i selisë blu theksoi gjithashtu se do të ketë përballje të fuqishme nëse zgjedhjet do të zhvillohen më 30 qershor. Ai tha se kjo është një çështje ekzistence dhe se opozita duhet të paraprijë përplasjet në zgjedhjet lokale.
LEXO EDHE: Kriza politike, Rama letër publike Lulzim Bashës
“Dje nuk u përmbajtja dot nga emocionion që më shkaktoi prija e jashtëzakonshme në Berat, sot jam i shtangur dhe i pafjalë nga ky uragan.
Ky uragan që nisi në Maminas me pritjet madhështore të rinisë durrësake dhe ja ku jemi sot nga zerat tuaj, nga kraharorët e durrësakevë të lire, po troketat ora shpresëplotë e ndryshimit të madh që po vjen.
Ditë për ditë sytë e shqiptarëve janë në pasditet ku ne bashkohemi në salla dhe sheshe në numrat të paparë me nje kauzë dhe përbetim për të mos hedhur asnjë hap pas në betejën tonë kombëtare, europiane, për Shqipërinë si gjithë Evropa.
Një bashkim i tillë popullor nuk është parë që në ditët e përmbysjes së diktaturës, që bashkuan shqiptarët në ditët e lirisë.
30 vite kanë kaluar, ëndrra jonë është mbushur me sakrifica, askush më mirë se durrësakët nuk e dinë kur ikën si refugjatë në korrik 1990 ku mijëra të tjerë kapërcyën detin, për nje jetë më të mirë.
U bënë njësh me Europën dhe ndihmuan familjet e tyre në shtrengesë të tmerrshme mjerimi, por ne e dinim atëherë se rrugë tjetër përveç Europës nuk kishte, dhe sot e dimë që nuk ka rrugë tjetër përveç Europës
Dhe shqiptarët e dinë se nuk do ikin më kokëulur që të ushqehet banda në pushtet, kryebanditi dhe më i korruptuari në krye të saj.
Tani e asnjë minutë më vonë ka ardhur koha për një betëjë vendimtare për ta bërë Shqipërinë si gjithë Evropa.
Para nesh janë dy dilema kapitullim apo përballje deri në fitore. Edi Rama, kriminelët dhe oligarkët me të cilët uzurpoi pushtetin, na propozon kapitullimin, që me 30 qershor ne të bëjmë sehir, teksa ai bën një grusht shteti, një proces fals, zgjedhje false, ku 1mln e 400 shqiptarë nuk kanë karta identiteti, ku regjistri i adresave është bërë lëmsh, na propozon zgjedhje ku kriminelë rikandidojnë, kur në fakt duhej të ishin para drejtësisë.
Na propozon kapitullim të popullit para krimit në 30 qershor, përballje në çdo qendër votimi. Alternativa tjetër është alternativa e përballjes vendimtare deri në mposhtjen e kësaj bande. Kjo është kauza që dogja mandatet të vetmet të pastra për kauzën tua”,-tha Basha./ Opinion.al E.Xh.
