Aktualitet

Rama dhe Manastirliu inspektim në Spitalin e Fierit: Hapet për pak ditë


Bëhu pjesë e Grupit Zyrtar të Opinion.al
>> KËTU <<
               Publikuar në : 21:50 - 03/04/21 |
Opi Nion

Kryeministri Edi Rama dhe Ministrja e Shëndetësisë Ogerta Manastirliu kanë inspektuar punimet në Spitalin Memorial të Fierit.

Ata kanë bërë me dije se spitali do të hapet për pak ditë dhe do të ketë në shërbim të pacientëve një staf mjekësor shqiptaro- turk.

“Ne presim të hënën të vijnë 12 personelë nga Turqia, një pjesë për instalimin e pajisjeve dhe trajnimin e personelit tonë, gjithashtu 5 prej tyre janë personel mjekësor. Do të vijnë të hënën për të organizuar gjithë punën, në mënyrë që në datën 14 ne t’i kemi marrë në dorëzim edhe godinën , edhe pajisjet e pastaj të bëhemi gati për ta futur në efiçencë”, tha Manastirliu.

Ministrja e Shëndetësisë tha se Spitali i ri i Fierit është duke u pajisur plotësisht me aparatura mjekësore.

“Nga Ministria e Shëndetësisë së Turqisë vijojnë të vijnë aparaturat dhe pajisjet. Kemi përfunduar gati 80% të pajisjeve dhe presim që të vijë angiografi, i cili vjen në fund të muajit Prill. Janë 6 salla operacioni, do të kemi shërbime nga kirurgjia e përgjithshme, otropedi, etj. Për nga pikëpamja e kirugjisë është një plotësim i nevojave për gjithë jugun, por edhe në gjerë”, tha Manastirliu.

Ministrja e Shëndetësisë bëri me dije se deri tani janë 424 aplikantë për t’u punësuar në këtë spital, ndërkohë që u shpreh se aplikimet për këtë spital mbyllen në datë 7 Prill./Opinion.al

Pas