Aktualitet

Rama akuzon Metën: Të blesh pisa të huaj për ta bërë pis atdheun


Bëhu pjesë e Grupit Zyrtar të Opinion.al
>> KËTU <<
               Publikuar në : 10:44 - 03/10/20 |
Opi Nion

Kryeministri Edi Rama me anë të një postimi në Twitter e ka cilësuar Presidentin e vendit Ilir Meta, një person pa atdhe, pa din, pa iman.

Edhe pse nuk e ka artikuluar emrin e tij, është e qartë që postimi i Ramës i referohet Ilir Metës kur thotë se ka mbajtur në vendin tonë postin e kryeministrit, të kryeparlamentarit dhe presidentit.

“Çfarë shëmtie! Të paguash para të zeza për të përhapur në botë shpifje që sterrosin vendin ku të kanë bërë kryeministër, kryeparlamentar, president! Të blesh pisa të huaj për ta bërë pis atdheun ku shitesh si patriot i përvëluar #PaAtdhe #PaDin #PaIman”, shkruan Rama në tuiter.

Kujtojmë se ky qëndrim i kryeministrit vjen pas një artikulli të publikuar në media, mbi një reagim të ministrisë së Brendshme italiane, që akuzonte Metën dhe ish kryeministrin Sali Berisha,  se kishin përdorur Ilir Kullën për të publikuar një lajm të rremë kundrejt kryeministrit Rama, me qëllim nxitjen dhe rrëzimin e qeverisë.

Ndërkohë raportet mes Ramës dhe Metës janë tensionuar së fundi edhe për shkak të qëndrimeve të prera të presidentit lidhur me ndryshimet zgjedhore, apo akuzat e këtij të fundit ndaj qeverisë dhe ccështjeve gjyqësore me të cilat vendi po përballet në arbitrazh./Opinion.al

Pas