Bota

Ra në pusin 30 metra të thellë, vogëlushi 5-vjeçar vdes në spital



Bëhu pjesë e Grupit Zyrtar të Opinion.al
>> KËTU <<
               Publikuar në : 22:56 - 05/02/22 |
Opi Nion

Një djalë maroken i cili ishte bllokuar në një pus që nga nga e marta, ka vdekur, sipas dy mediave vendase. Djali 5-vjeçar, i identifikuar vetëm si Rayan, u nxor nga ekipet e shpëtimit nga pusi të shtunën, por nuk arriti të mbijetojë, sikurse njoftuan mediat shtetërore.

Mbreti Mohammed VI i Marokut ka ngushëlluar familjen e Rayanit në një telefonatë, sipas një deklarate nga Pallati Mbretëror.

“Pas aksidentit tragjik që i mori jetën fëmijës Rayan Oram, Madhëria e Tij Mbreti Mohammed VI, Zoti e ruajtë, i bëri një telefonatë zotit Khaled Oram dhe zonjës Ëassima Khersheesh, prindërit e të ndjerit që ndërroi jetë, pasi ra në një pus”, thuhet në deklaratën e Pallatit Mbretëror.

Fëmija ishte ngecur në një pus që arrin më shumë se 100 këmbë (30 metra) nën tokë në provincën Chefchaouen.

Rayan ra në pus të martën pasdite dhe u zbulua pasi u dëgjua duke qarë, tha nëna e tij në një intervistë me televizionin shtetëror Al-Aoula dy ditë më vonë. Ajo tha se ai po luante aty pranë para se të zhdukej dhe se ajo nxitoi të telefononte autoritetet pasi zbuloi se çfarë kishte ndodhur./Opinion.al

Pas