Life Style

Lojërat Olimpike/Gazetari largohet nga zyrtarët kinezë gjatë transmetimit live



Bëhu pjesë e Grupit Zyrtar të Opinion.al
>> KËTU <<
               Publikuar në : 23:13 - 05/02/22 |
Opi Nion

Lojërat Olimpike Dimërore në Pekin kanë nisur. E mes entuziazmit të banorëve të kryeqytetit kinez ka ndodhur incidenti i parë. Një gazetar që ishte duke raportuar drejtpërdrejt në televizion gjatë ceremonisë hapëse, u mor me forcë nga zyrtarët kinezë të sigurisë.

Pamjet nga televizioni publik holandez “NOS” tregojnë se disa persona e rrethuan atë dhe një prej tyre e tërhoqi me forcë, teksa po qëndronte jo larg impiantit kryesor në kryeqytetin kinez. Televizioni u detyrua që ta ndërpriste lidhjen me reporterin, ndërsa spikerja në studio u hutua nga e gjithë skena. Në një mesazh në Tëitter, televizioni holandez raportoi ngjarjen, ndërsa theksoi faktin se ky incident tregon realitetin e përditshëm të gazetarëve në Kinë.

Ndërsa në një reagim, Komiteti Olimpik Ndërkombëtar tha se ky ishte një incident i izoluar dhe nuk do të prekë mediat e huaja, të cilat raportojnë për eventet në olimpiadë.

Si sportistët, ashtu edhe media janë të detyruar që të qëndrojnë në një zonë sigurie gjatë olimpiadës me qëllim për të parandaluar përhapjen e koronavirusit. Kjo zonë përfshin stadiumet, qendrën e medias si dhe vendin e strehimit.

Klan News

Pas