Ditën e sotme është arritur marrëveshja mes Kosovës dhe Serbisë për reciprocitetin e targave, teksa synohet që të sheshohen të gjitha konfliktet mes palëve.
Ndërkohë një banor serb i cili jeton në Jarinjë, Darko Dabiç, deklaroi se ende nuk e di se çfarë konkretisht është arritur në marrëveshjen mes Kosovës e Serbisë për çështjen e targave.
Ndër të tjera Dabiç për Klan Kosova është shprehur se beson që marrëveshja duhet të jetë në të mirë të të dyja palëve, pasi siç tha, duhet të jetojmë dhe lëvizim lirshëm.
Dabiç po ashtu u shpreh se nëse marrëveshja përmban vendosjen e pagesës për taksa, kjo nuk do të duhej të ishte problem, duke thënë se deri më tani kanë paguar edhe shqiptarët.
“Për këtë gjendje është fajtore politika. Populli nuk ka faj”, deklaroi ai ndër të tjera.
Kujtojmë që ditën e sotme në Bruksel është arritur marrëveshja mes Serbisë dhe Kosovës dhe lajmi është bërë i ditur nga Lajçak./Opinion.al
