Kryesore

Marrëveshja për targat, Kurti: Epoka kur Serbia nis e mësohet me reciprocitet


Bëhu pjesë e Grupit Zyrtar të Opinion.al
>> KËTU <<
               Publikuar në : 14:27 - 30/09/21 |
Opi Nion

Kryeministri i Kosovës Albin Kurti ka reaguar pas dakordësimit për marrëveshjen për targat e arritur në Bruksel mes Kosovës e Serbisë.

Kurti nëpërmjet një deklarate zyrtare shprehet  se javën që shkoi, presidenti i Serbisë, Aleksandar Vuçiç, vuri katër kushte për takimin në  Bruksel, por sipas tij, ato nuk ju plotësuan.

Reciprociteti i targave të automjeteve është vendosur. Meqë targave të Republikës së Kosovës në Serbi do t’iu mbulohet simboli shtetëror, të gjitha targave të Serbisë pa dallim do t’iu mbulohet po ashtu simboli i tyre në territorin e shtetit tonë. Njësia Speciale e Policisë së Kosovës ka shkuar në Jarinje dhe Bërnjak më 20 shtator për të mbrojtur vendkalimet dhe policinë kufitare nga bllokuesit e rrugëve dhe qarkullimit të lirë”.

Gjithashtu Kurti ka njoftuar se Njësia Speciale nuk ka pse qendron më në veri të Kosovës, edhe pse gjithnjë do të mbetet e gatshme për ndërhyrje.

”Meqë ata do të largohen, njësia jonë speciale nuk ka pse qëndron atje, dhe mbetet gjithnjë e gatshme për ndërhyrje në çfarëdo cenimi të njëjtë apo të ngjashëm në të ardhmen. Natyrisht, policia jonë kufitare në vijim do të zbatojë reciprocitetin e targave. KFOR-i do të qëndrojë aty, rreth dy javë, që gjithçka të jetë e sigurt”.- tha Kurti.

Teksa sipas Kurtit tashmë fillon epoka kur Serbia nis e mësohet me reciprocitet.

”Në javën e shkuar, Presidenti i Serbisë vuri katër kushte për takimin në Bruksel të përfaqësuesve tanë. Natyrisht që nuk ju plotësuan ato dhe dje u zhvilluan bisedimet në Bruksel. Tash fillon epoka kur Serbia nis e mësohet me reciprocitet”.- përfundoi kryeministri i Kosovës./Opinion.al

Pas