Sociale

Lind fëmija i parë afgan në Lezhë, prindërit i venë emër shqiptar


Bëhu pjesë e Grupit Zyrtar të Opinion.al
>> KËTU <<
               Publikuar në : 14:19 - 30/09/21 |
Opi Nion

Në spitalin e Lezhës ka lindur fëmija i parë afgan. Sipas Klan news foshnja është sjellë në jetë nga një 27-vjeçare, ndërsa bëhet me dije se gjendja shëndetësore e nënës dhe fëmijës është e mirë.

Mësohet se prindërit kanë vendosur ta quajnë fëmijën me emër shqiptar, dhe një nga më të preferuarit është Alban.

Doktori që priti foshnjën gjinekologu Nikoll Brozi shprehet  se djali ka lindur në gjendje shumë të mirë, ndërsa vetëm 24 ore pas lindjes nëna së bashku me fëmijën janë përcjell për në hotel, në Shëngjin, ku qëndrojnë tashme prej disa javësh.

“Pacientja ka ardhur në maternitetin e Lezhës në 27 Shtator gjatë natës dhe ka lindur në datën 27 në orën 14:05. Fëmija është me shëndet të plotë, lindja ka qenë normale, pesha e fëmijës ishte 3 kg e 300 gram dhe është i seksit mashkull. Gjatë kohës që ka qëndruar në spital pacientja ka qenë e qetë, ka marrë mjekime për kujdes të veçantë”, është shprehur doktori.

Familja afgane qe priti në familje fëmijën e 6, ka preferuar të shmangë daljen në media, për shkak të frikës mbi sigurinë e tyre.

Kujtojmë se prej disa javësh në Shëngjin, janë akomoduar 411  afganë që janë larguar nga shteti i tyre për shkak se iu kërcënohej jeta nga talebanët.

 

Pas