Aktualitet

Qindra raste të reja dhe dhjetëra viktima në gjithë rajonin


Bëhu pjesë e Grupit Zyrtar të Opinion.al
>> KËTU <<
               Publikuar në : 22:38 - 03/07/20 |
Al Do

Në Shqipëri, Ministria e Shëndetësisë deklaroi të premten se edhe tre persona kanë humbur jetën në këtë vend, si pasojë e koronavirusit.

Në komunikatën për media po ashtu thuhet se gjatë 24 orëve të fundit janë regjistruar 90 raste të reja.

Shqipëria ka konfirmuar gjithsej 2,752 raste me koronavirus, prej të cilave 72 kanë humbur jetën.

Në Kosovë gjatë 24 orëve të fundit u regjistruan 114 raste të reja me koronavirus, bëri të ditur Instituti Kombëtar i Shëndetësisë Publike.

Që nga fillimi i pandemisë në mes të marsit, Kosova ka konfirmuar në total 3,178 raste me koronavirus. Prej tyre, 58 pacientë kanë vdekur dhe 1,824 janë shëruar.

Në Maqedoninë e Veriut, ndërkaq, të premten u raportua për shtatë viktima të tjera nga koronavirusi dhe 165 raste të reja.

Maqedonia e Veriut në total ka regjistruar 328 të vdekur nga COVID-19 dhe 6,787 raste pozitive.

Prej këtyre të fundit, 3,583 janë aktive.

Mali i Zi po ashtu raportoi të premten për 47 raste të reja.

Ky vend, i cili në maj ka shpallur fundin e situatës epidemiologjike, ka regjistruar qysh në mes të qershorit 339 raste pozitive – prej tyre katër kanë humbur jetën.

Në total, Mali i Zi ka konfirmuar 616 raste pozitive dhe 13 viktima.

Autoritetet në Serbi njoftuan të premten se në 24 orët e fundit kanë regjistruar 11 viktima nga koronavirusi.

Me këtë shifër, numri i përgjithshëm i të vdekurve në Serbi nga sëmundja COVID-19, që e shkakton koronavirusi, arrin në 298.

Në njoftimin e Ministrisë së Shëndetësisë thuhet po ashtu se autoritetet kanë identifikuar 309 raste të reja pozitive nga mostrat e testuara në 24 orët e fundit.

Nga fillimi i epidemisë në Serbi, në mes të marsit, 15,504 persona janë infektuar me koronavirus. /Opinion.al

Pas