Aktualitet

Qeveria hoqi dorë nga rekurset në Gjykatën e Lartë,Berisha:Mjafton qesja në Apel


Bëhu pjesë e Grupit Zyrtar të Opinion.al
>> KËTU <<
               Publikuar në : 12:37 - 27/05/22 |
Opi Nion

Kryetari i Partisë Demokratike, Sali Berisha, në një konferencë me gazetarët, u ndal te një nga vendimet e qeverisë për heqjen dorë nga rekurset e depozituara në Gjykatën e Lartë për çështjet me natyrë administrative apo civile.

Berisha tha se ky vendim është marrë në shkelje të Kushtetutës. Më tej, kreu i PD theksoi se mafia e tmerrshme e pronave amnistohet, nuk shkon më në Gjykatë të Lartë.

“Në mungesë transparence, në shkelje të Kushtetutës, Këshilli i Ministrave vendos që për të gjitha institucionet në varësi të tij, të hiqet dorë nga rekursi në Gjykatën e Lartë për çështje me natyrë administrative apo civile. Pra, mafia e tmerrshme e pronave amnistohet, nuk shkon më në Gjykatë të Lartë. Mjafton qesja në Apel, se sipër ia ka zgjidhur Rama”, deklaroi Berisha.

“Ky vendim, sipas Ramës, bëhet për të lehtësuar stokun e çështjeve në Gjykatën e Lartë. Vlera e kësaj tërheqjeje është miliarda euro dëm për pasurinë publike dhe qytetarët. Në emër të Reformës në Drejtësi, qeveria po koordinohet me Gjykatën e Lartë, për të krijuar favore për persona juridikë të caktuar. Prapa këtij vendimi qëndrojnë klanet mafioze të tokave dhe kontrabandës”, shtoi Berisha.

Sipas Berishës, me këtë vendim të qeverisë, “Shqipëria pushon së funksionuari si një shtet me drejtësi me tre shkallë”.

 

Pas