Politikë

Qëndrimi i CDU/CSU, PD: Mesazhi i qartë, koha e propagandës ka mbaruar


               Publikuar në : 19:34 - 20/10/19 |
Al Do

Partia Demokratike ka reaguar nëpërmjet sekretarit të saj të përgjithshëm për deklaratën e grupit parlamentar gjerman CDU/CSU lidhur me çështjen e negociatave.

Në një status në Facebook, Gazment Bardhi i ka shprehur mirënjohjen për mbështetjen partnerëve gjermanë.

Sipas tij, mesazhi i grupit të koalicionit qeverisës në Bundestag ka qenë që Shqipëria nuk mund të celë negociatat pa çelur kushtet. Bardhi shton se koha e propagandës ka mbaruar duke lënë të kuptohet se vendimi i mos hapjes së negociatave për Shqipërinë nuk ka ardhur vetëm si pasojë e vendimit të Francës për reformim të brendshëm.

“Mirënjohje për mbështetjen e ndershme dhe mesazhin e qartë që Bundestagu i jep Shqipërisë në procesin e integrimit europian përmes Nënkryetarit të Grupit Parlamentar të CDU/CSU z. Johann Wadephul dhe relatorit për Shqipërinë, z. Christian Schmidt. Mesazhi është i qartë: Pa plotësuar kushtet e vëna nuk ka asnjë mundësi për Shqipërinë për të hapur negociatat. Koha e propagandës ka mbaruar! Shqipëria nuk mund të mbetet peng i qeverisjes së dështuar dhe të refuzuar të Edi Rames!” shkruan në Bardhi.

Më herët, në një deklaratë zyrtare, nënkryetarit të Grupit Parlamentar të CDU/CSU z. Johann Wadephul dhe relatori për Shqipërinë, z. Christian Schmidt theksuan se Shqipëria duhet të vazhdojë ndërmarrjen e reformave pasi nëse kushtet e Bundestagut realizohen sipas tyre Parisi nuk mund ti pengojë më negociatat. /Opinion.al

Pas