-U tha në Opinion

Punëtorë nga jashtë, strategji e drejtë apo e gabuar?


               Publikuar në : 23:26 - 19/02/20 |
Geljano Fataj

Gjatë një vizite në Durrës, kryeministri Edi Rama tha se për rindërtimin pas tërmetit do të marrë punëtorë të huaj. Emisioni Opinion, këtë të mërkurë trajtoi largimin e shqiptarëve si dhe mungesën e punëtorëve, ndërsa të ftuarit kishin mendime të kundërta për këtë “strategji”.

Oljana Maloku: Janë sektor të ndryshëm që vuajnë nga mungesa e fuqisë punëtore. Kemi nga ndërtimi, kompani prodhuese, sektori fason dhe industria minerare që kanë nisur të afrojnë punëtor të huaj. Shifra konkrete nuk kemi, por më njoftojnë se ka grupe si profesionistësh dhe persona të pa kualifikuar që po merren nga vende të ndryshme. Kemi nga Bangladeshi, vendet e Lindjes ka dhe nga Kina. Përsa kohë që sipërmarrësit shqiptarë nuk gjen këtu fuqinë punëtore që kërkojnë, sigurisht që do të marrin persona nga jashtë. Nëse punëtori që është nga jashtë nëse është i kualifikuar do të kushtonte më shumë se sa një punëtor shqiptar dhe një person që nuk është i kualifikuar më pak se sa do të pretendonte një punëtor shqiptar. Pranon të punojë dhe analistët kërkojnë të bëhet një studim që të bëhet kujdes kur hapim portat për tregun e jashtëm. Nëse vjen një i huaj që paguhet 200-300 dollarë në Shqipëri gjeq ë nuk e bën një shqiptar nga kategoria që janë sot të papunë, kanë frikë se mos spostojnë… Është e drejtë për sipërmarrësit për të parë ku i kanë kostot më të ulëta, por është rreziku se mos rrisin papunësinë dhe sposton padashje këtë grup në Shqipëri.

Dashamir Shehi: Kjo vjen sepse tregu i punës është i shkatërruar. Liberalizmi, që të hapësh dyer i bën dëm. Nëse është brenda disa rregullave, në të kundër bëhet xhungël këtu. Këta pasi mbarojnë punën këtu i hipin varkës dhe ikin në Itali. / Opinion.al

Pas