Është publikuar videoja e kamerës së sigurisë që ka regjistruar atentatin e pak ditëve më parë në “Astir”, ku mbetën të vrarë 32-vjeçari Erigers Mihasi dhe shoku i tij Armando Dumani, 26 vjeç.
Në pamjet e publikuara në emisionin “Në Shënjestër”, shihet se automjeti tip “Audi” i bardhë me të cilin lëvizte Mihasi dhe Dumani, ndërsa nga pas afrohet makina e autorëve dhe nga sedilja e pasme qëllohet në një distancë të afërt në pjesën anësore të makinës së viktimave, ku 13 plumba janë zbrazur vetëm mbi 32-vjeçarin Mihasi.
Sipas të dhënave, ata janë ndjekur për disa metra nga autorët që kanë qëlluar nga njëra anë e “Audit” luksoz të identifikuar dhe me targat EM (Erigers Mihasi), i cili ishte shënjestra e atentatit.
Nga automjeti tip “Toyota”, autorët fillimisht e qëllojnë makinën e viktimave nga pas dhe më tej i dalin makinës së viktimave në krahun e pasagjerit, ku e qëllojnë sërish me breshëri kallashnikovi./ Opinion.al
