Kryesore

Publikimi i të dhënave të qytetarëve, Meta i prerë: Të zbardhet plotësisht


Bëhu pjesë e Grupit Zyrtar të Opinion.al
>> KËTU <<
               Publikuar në : 13:42 - 31/05/21 |
Opi Nion

Presidenti i Republikës Ilir Meta ka reagur ditën e sotme lidhur me vjedjen e të dhënave që u zbulua pak para zgjedhjeve.

Nëpërmjet një statusi në llogarin e tij në ‘Facebook” Meta shkruan se e gjithë kjo çështje ka nevojë për hetim të thelluar dhe të gjithë anshëm.

Ndër të tjera Meta citon se ky skandal, siç e konsideron ai u pasqyrua edhe në mediat ndërkombëtare, teksa e rradhës që e pa trjatuar këtë temë ka qenë “Le Figaro”.

Sipas Presidentit kjo është një çështje që ka nevojë për hetim të mënjëhershëm dhe të mos zvarritet më.

“Skandali i vjedhjes së të dhënave personale të rreth 910 mijë qytetarëve të Tiranës nga Regjistri Publik Shtetëror dhe keqpërdorimi i tyre në funksion të zgjedhjeve të 25 prillit, duke u përdorur si mjet shantazhi, intimitidimi dhe presioni për të siguruar votën dhe mbështetjen, meriton një hetim të thellë dhe të gjithanshëm.

Në datat 12 prill 2021, 19 prill 2021 dhe 20 prill 2021 u kam kërkuar zyrtarisht me shkresë dhe publikisht SPAK dhe Prokurorisë të zbardhin plotësisht të vërtetën, autorët dhe urdhëruesit e këtij skandali, që përbën jo vetëm veprimtari të ndaluar nga neni 91 i Kodit Zgjedhor, por përmban elementë të disa veprave penale të parashikuara nga Kodi Penal, duke filluar nga shpërdorimi i detyrës (neni 248 i Kodit Penal) i konsumuar nga funksionarët, që kanë për detyrë të administrojnë dhe mbrojnë këto të dhëna, deri te “Përdorim i funksionit publik për veprimtari politike ose zgjedhore”, parashikuar nga neni 328/a, i Kodit Penal.

https://president.al/presidenti-republikes-kerkon-spak…/

https://president.al/deklarate-per-shtyp-e-presidentit…/

https://www.facebook.com/ilirmetazyrtar/videos/731988874161816/

https://president.al/kerkese-e-perseritur-per-kryerjen-e…/

Të dhënat personale të çdo shtetasi, që depozitohen në institucionet publike dhe administrohen në bazat e të dhënave shtetërore, janë personale, mbrohen me ligj dhe kanë për qëllim përdorimin e tyre vetëm për interesin e shtetasve dhe të shtetit.

Çdo përdorim i këtyre të dhënave, qoftë dhe për të furnizuar baza të tjera të dhënash, që krijohen nga një parti politike për qëllime të saj, është një cenim skandaloz i të dhënave personale të qytetarëve të Republikës së Shqipërisë, që krijon terren për keqpërdorimin e tyre, veçanërisht duke ekspozuar para grupeve kriminale vendase apo të huaja, zyrtarë të lartë të drejtësisë, të ruajtjes së rendit publik, të sovranitetit dhe të sigurisë kombëtare të vendit.”- shkruan Meta./Opinion.al

Pas