Aktualitet

Pse ndryshoi Holanda qëndrim? Rutte: Të tjerë mund të influencojnë në rajon


Bëhu pjesë e Grupit Zyrtar të Opinion.al
>> KËTU <<
               Publikuar në : 13:36 - 10/11/21 |
Opi Nion

Kryeministri holandez, Mark Rutte, në konferencën për media me kryeministrin Rama ka treguar se cilat kanë qenë arsyet që Holanda ka ndryshuar qëndrim dhe i ka thënë “Po” Shqipërisë për nisjen e negociatave.

Teksa vlerësoi progresin e arritur nga vendi ynë në 5 vitet e fundit, Rutte tha se Holanda tashmë ka krijuar besim, por theksoi se përgjigja pozitive për Konferencën e Parë Ndërqeveritare lidhet edhe me faktorë gjeostrategjikë. Sipas tij, vende të tjera mund të kenë influencë në Ballkan dhe BE nuk e dëshiron këtë gjë.

 Kemi një marrëdhënie shumë të ngushtë bashkëpunimi për këto dy vjet në luftën kundër krimit të organizuar. E kemi diskutuar edhe sot për përmirësimin edhe rritjen e mëtejshme të këtij bashkëpunimi. Kjo ka krijuar besim, por gjithashtu edhe fakti të qenit rigoroz dhe të drejtë, ne i shohim gjithmonë raportet e KE për se ku Shqipëria qëndronte në reformën e saj për pavarësinë e drejtësisë Vettingun e gjyqtarëve dhe luftën ndaj krimit të organizuar. Na duhet të bëjmë shumë punë. Edhe vendi im. Progresi që është arritur në këto 5 vitet e fundit ka qenë kaq i madh në kuptimin që e bëri të mundur për ne të themi “Po”. Jemi sprapsur për kohë të gjatë për të thënë “Jo” këtyre bisedimeve të anëtarësimit. Nuk është vetëm çështje e luftës ndaj krimit të organizuar, por edhe ekonomisë, sundimit të ligjit, dhe se si konvergojmë në punën tonë së bashku, në këtë pjesë të Ballkanit Perëndimor me BE. Ideja është që ne duam që ky rajon të ketë perspektivën e BE sepse jemi miq, fqinj, por po kështu të tjerë mund të kenë influencë në këtë rajon që ne nuk e duam. Edhe thjesht pranimi i faktit që nën udhëheqjen e Ramës janë ndërmarrë kaq shumë hapa”, tha Rutte./Opinion.al

Pas