Aktualitet

PS merr mandatin e 5 në Berat,festojnë socialistët,marrin Klosin në krahë


Bëhu pjesë e Grupit Zyrtar të Opinion.al
>> KËTU <<
               Publikuar në : 08:48 - 27/04/21 |
Opi Nion

Procesi i numërimit të votave është drejt fundit në Qarkun e Beratit, ku kanë mbetur edhe 2 kuti për t’u numëruar.

Nga të dhënat rezulton se Partia Socialiste është duke kryesuar në këtë qark. Socialistët aktualisht numërojnë 41.700 vota, Partia Demokratike 22.700 dhe Lëvizja Socialiste për Integrim 8.350.

Me votat e deri tanishme, Partia Socialiste ka siguruar në këtë qark 5 mandate, Partia Demokratike 2 dhe Lëvizja Socialiste për Integrim mbetet pa mandate në Berat.  LSI ka shënuar rënie në këtë qark pasi ka humbur 2 mandatet e fituara në zgjedhjet e 2017.

Sakaq, drejtuesi politik i Qarkut të Beratit për Partinë Socialiste, Blendi Klosi, tha se është një fitore fantastike, që në familjen socialiste pritej prej dekadash.

“Është fantastike! Është një rezultat spektakolar, punë e madhe dhe përgatitje për këtë ditë. Është një punë disa mujore, por në fakt me dekada pritej që PS të bashkohej e gjithë e majta, 5 mandate të munguara, e për këtë arsye ishte ideja që të vendosshim në këtë kufi.

Ashtu si drejtuesit e tjerë të partisë, edhe unë vendosa të je mi 5 në Qarkun e Beratit. Ishte një mandate sakrifice dhe luftë e madhe nga qindra njerëz që na mbështeten këtë fushatë”, tha Klosi.

Ndërkohë ky rezultat i arritur nga PS në këtë qark ka bërë që simpatizantë të shumtë të Partisë Socialiste, të brohorasin teksa shfaqen duke mbajtur në krahë kandidatin e PS për deputet Blendi Klosin./Opinion.al

Pas