Politikë

PS: Lista të hapura dhe koalicione parazgjedhore, të pamundur së bashku


Bëhu pjesë e Grupit Zyrtar të Opinion.al
>> KËTU <<
               Publikuar në : 11:08 - 14/07/20 |
Opi Nion

Ditën e sotme ka rinisur mbledhja e Komisionit të Ligjeve për ndryshimet Kushtetuese në lidhje me pragun elektoral, koalicionet si edhe listat e hapura.

Deputetët e PS kanë theksuar se detajet në lidhje me pragun elektoral dhe nëse do të lejohen ose jo koalicionet do të përcaktohen nga Kodi Zgjedhor dhe kjo nuk do të përcaktohet në ndryshimet Kushtetuese.

PS propozon që në Kushtetutë vetëm të shënohet fakti që zgjedhësi mund të ketë votë parapëlqyese për kandidatin. Të njëjtin qëndrim kanë pasur edhe përfaqësuesit e opozitës parlamentare në Kuvend.

Ndërkohë, relatorja nga mazhoranca për ndryshimet kushtetuese, Klotilda Bushka ka bërë të qartë në Komisionin e Ligjeve se lista të hapura dhe koalicione parazgjedhore janë të pamundura së bashku.

“Kemi riformuluar dy nenet. Bëhen më të qartë dhe lënë kriteret kryesore për t’u detajuar në Kushtetutë. Tre qëllimet që nismëtarët nisën për ndryshimet në kushtetutë, listat e hapura mbeten, pjesa e parashikimeve për koalicionet parazgjedhore është e parashikuar, dhe pragu është gjithashtu, por në diskutimet tona menduam që vetëm elementet themelore të përcaktohen në Kushtetutë, pragu duhet zgjidhur në formulimet e Kodit Zgjedhor. Po filloj me nenin 1, që ndryshon 64-ën. Kuvendi përbëhet nga 140 deputetë sipas një një sistemi proporcional me konkurrim rajonal.”- tha Bushka./ Opinion.al

Pas