Aktualitet

Protestë në Tiranë, policia merr zvarrë disa persona


               Publikuar në : 13:30 - 07/05/20 |
Opi Nion

Ditën e sotme në sheshin “Skënderbej” në Tiranë është zhvilluar një protestë kundër masave ndaluese për përhapjen e pandemisë COVID-19.

Mësohet se Policia ka ndërhyrë dhe ka shoqëruar disa persona. Ata pretendojnë se këto masa nuk janë të justifikuara pasi në Shqipëri nuk ka pandemi.

Në mesin e protestuesve ishte dhe ambjentalisti Sazan Guri. Ai tha për mediat se shtyrja e gjendjes së fatkeqësisë natyrore deri më 23 qershor, është tërësisht e pakuptueshme.

S’mund tja lëmë jetën një njeriu si Rama që të na e kontrollojë pa fund” ka thene ai.

Me tej situata është tensionuar, pasi policia ka kërkuar që ata të largohen.

“Ore hiqi duart, ore mos e prek, trajtoje si njeri, nuk është kriminel ai”-dëgjohen britmat e protestuesve.

“Kam respekt, por çfarë të bëri ai, për çfarë e more ate çfarë bëri ai”– dëgjohet të thotë Sazan Guri, ndërkohë që policia po merrte zvarrë një nga protestuesit.

Aktualisht, vendi vijon të mbetet në gjendjen e fatkeqësisë natyrore deri në qershor dhe grumbullimet e qytetarëve janë të ndaluara dhe të dënueshme nga ndryshimet e fundit të kodit penal./ Opinion.al

Pas