Kryesore

Protestat për Klodian Rashën, Balla-Bashës: Dil dhe distancohu nga dhuna


Bëhu pjesë e Grupit Zyrtar të Opinion.al
>> KËTU <<
               Publikuar në : 13:50 - 16/12/20 |
Opi Nion

Kreu i Grupti Parlamentar i PS, Taulant Balla ka reaguar në lidhje me protestat disaditore për vrasjen e 25-vjeçarit Klodian Rasha nga një efektiv policie në orët e para të mëngjesit të 8 dhjetorit.

Përmes një postimi në rrjetet sociale, teksa iu referohet protestave të fundit, Balla akuzon PD se ka si vizion vetëm vandalizmin.

Balla i bën thirrje kryedemokratit lulzim Basha që të dalë dhe të distancohet nga dhuna që sipas tij, kanë ushtruar qytetarët në protesta.

“Sa kohë Sali Berisha të drejtojë PD, kjo parti do të ketë vizion rremujen, program vandalizmin dhe ekip katrahuren! Lulezim Basha ku je futur? Dil dhe distancohu nga dhuna apo s’e ben dot, s’ke faj!”-shkruan Balla.

Kujtojmë se qytetarë në disa qytetet të vendit kanë protestuar duke kërkuar dorëheqjen e Drejtorit të Policisë, Ardi Veliu.

Në protesta kanë marrë pjesë dhe të mitur të cilët janë shoqëruar nga policia. Në shumë pamje të shpërndara në media shihen se si ata janë tërhequr zvarrë nga policët për ti futur në furgonin e policisë.

Pamje të tjera tregojnë dhe si policia ushtron dhunë me shkop gome ndaj një të riu të cilin e gjakos duke i shkaktuar dëmtime në kokë.

Po ashtu, nga përplasjet ka pasur dhe punonjës policie të lënduar, njërin prej tyre qeveria u angazhua që ta transportojë për mjekim të specializuar në Turqi./Opinion.al

Pas