Bota

Protestat në SHBA/ Qëllohet mbi turmën, humb jetën një 19-vjeçar


Bëhu pjesë e Grupit Zyrtar të Opinion.al
>> KËTU <<
               Publikuar në : 10:10 - 30/05/20 |
Al Do

Vrasja e George Floyd në SHBA ka nxitur një valë protestash të dhunshme në të gjithë vendin ku për të katërtën ditë radhazi protestuesit janë përleshur me policinë. Por gjendja duket se nuk ka ndërmennd të qetësohet.

Një episod tjetër i rëndë është regjistruar në Detroit, Michigan, ku mbi turmën e protestuesve është qëlluar me amrë zjarri dhe për pasojë ka mbetur i vdekur një 19-vjeçar.

Associated Press raporton se një fuoristradë kaloi pranë turmës dhe qëlloi disa herë. Ngjarja ndodhi mbrëmjen e së premtes, pranë Greektoën, sipas policisë së Detroit. Viktima vdiq në një spital. Asnjë detaj mbi viktimën ose të dyshuarin nuk janë të disponueshme.

Marshimi gjatë ditës kishte qenë relativisht paqësor, por në mbrëmje tensionet u rritën.

Një komandant i policisë së Detroit u godit nga një gur dhe u shtrua në spital. Policia u përlesh me protestuesit dhe hodhi gaz lotsjellës ndaj tyre.

Nuk kanë munguar protestat edhe në vende si Minesota, Kaliforni dhe Nju Jork. Manifestuesit u përballën me ndërhyrjen e ashpër të policisë, teksa në disa zona dogjën godina dhe automjete.

Në Atlanta, ndërtesa të shumta u vandalizuan, përfshirë selinë e gjigandit mediatik, CNN.

Derek Chauvin është xhiruar teksa vendosi gjurin e tij te fyti i 46-vjeçarit me ngjyrë George Floyd të hënën. Që prej publikimit të pamjeve, Chauvin dhe 3 policë të tjerë janë shkarkuar. Ata do të dalin para gjykatës së Mineapolis të hënën. Presidenti, Donald Trump, e ka përshkruar ngjarjen si të tmerrshme dhe njoftoi se ka biseduar me familjen e Floyd për t’i shprehur ngushëllimet e tij.

Ngjarja ka ndezur zemërimin kundër policisë amerikane për vrasjet e njerëzve me ngjyrë. /Opinion.al

Pas