Aktualitet

Protesta e Berishës/ I ka kërkuar PD mbrojtje policisë? Bardhi: Kjo seli…


Bëhu pjesë e Grupit Zyrtar të Opinion.al
>> KËTU <<
               Publikuar në : 14:46 - 20/12/21 |
Opi Nion

Në një konferencë për mediat të mbajtur ditën e sotme, Sekretari i Përgjithshëm i PD-së, Gazmend Bardhi i pyetur nga gazetarët se a ka njoftuar PD policinë për t’i kërkuar mbrojtje pasi protesta e njoftuar nga ish-kryeministri, Sali Berisha do të nisë nga selia blu tha se nuk është kërkuar mbrojte nga policia pasi selia blu nuk ka asnjë rrezik nga asnjë demokrat.

Sipas Bardhit, deklaratat e Berishës se në PD kanë qenë të pranishme forca të policisë apo të ushtrisë, janë  të pavërteta si dhe i ka cilësuar deklarata që nxisin dhunën mes demokratëve.

“Policinë besoj jeni dëshmitar të asaj që u tha se kemi mbushur selinë me gardistë e forca të ndërhyrjes speciale, forca operacionale, marinsa, ju s’keni parë as polici as FNSH asnjë institucion shtetëror që të ruajë rendin. Për sot jo s’kemi njoftuar policinë. PD ka qenë e mbetet gjithmonë e hapur për demokratët, nuk ka kjo seli asnjë rrezik nga asnjë demokrat, unë e kam bindje këtë cilido përpiqet me gënjeshtra e mashtrime të vendosë demokratët përballë njëri-tjetrit po bën gabim shumë të madh. Ne duhet të jemi të gjithë të bashkuar përballë armikut të vetëm që është Edi Rama.Ai që me gënjeshtrat e veta i thotë demokratëve se disa demokratë të tjerë ka ardhur ushtria e ka hyrë në selinë e PD thjesht i nxit ata për akte dhune ndaj godinës së lirisë, a mund të ketë demokratë që mund të konfliktohet me një demokrat tjetër thjesht meqë mendon ndryshe? Kurrësesi”, tha Bardhi./Opinion.al

Pas