Kreu i grupit parlamentar të Partisë Socialiste, Taulant Balla, ka reaguar pas protestave të ditës së sotme në kryeqytet.
Teksa ka publikuar fotot të xhamave të thyer të kryeministrisë ai akuzon opozitën si organizatore të protestave.
Balla shprehet se të rinjtë që po organizojnë dhunën janë nga grupet rinore të PD-së dhe LSI-së.
“Sa kohë Sali Berisha të drejtojë PD, kjo parti do të ketë vizion rrëmujën, program vandalizmin dhe ekip katrahurën! Lulzim Basha ku je futur? Dil dhe distancohu nga dhuna apo s’e bën dot, s’ke faj! Sepse je ti pjese e organizimit te dhunës bashke me Mornikën e me Ilirin, teksa dërguat FRPD tende dhe ca nga ata te tiganit te Jalës të godisnin me gurë selinë e Partisë Socialiste!” , shkruan Balla
Ky reagim i Ballës vjen në kohën që prej disa orësh në Tiranë vijon protesta e aktivistëve të shoqërisë civile për vrasjen e 25 vjeçarit, Klodian Rasha, nga një efektiv policie./ Opinion.al
