Prokuroria ka nisur hetimet ndaj rektorit të Universitetit Bujqësor, Bahri Musabelliu. Rektori akuzohet për shpërdorim të detyrës dhe pastrimit të parave.
Mësohet se Bahri Musabelliu ka përfituar fondet publike përmes praktikave korruptive të ndjekura në disa tenderime.
Bëhet fjalë për rikonstruksionin e murit rrethues dhe të një porte të universitetit, për të cilat ishte lëvruar një fond prej 640 mijë dollarësh, një pjesë e të cilave dyshohet se janë përvetësuar nga Musabelliu përmes personave të tretë.
Shkeljet janë konstatuar nga agjentët e Krimit Ekonomik në Policinë e Shtetit, dhe më pas këto shkelje janë kallëzuar në Prokurorinë e Tiranës e cila ka nisur hetimet.
Grupi i hetimit ka nisur të verifikojnë të gjithë tenderat që mbajnë firmën e Bahri Musabelliut , për të zbuluar mënyrën se si janë fituar./ Opinion.al E.Xh.
