Seanca e sotme plenare nisi me debate dhe tensione, ku njëri nga shkak për këtë është bërë miratimi i ndryshimit për rendin e ditës në Kuvend, për futjen në rend dite projektligjin për Akademinë e Shkencave.
Ish-kryeministri Sali Berisha ka reaguar ashpër për këtë ndryshim në rendin e ditës.
Ai thotë se një ligj nuk mund të hyjë në rend dite pa kaluar 48 orë.
Sipas Berishës, ky është një akt i turpshëm, provokim i ulët dhe një shkelmim i ligjeve.
“Kushtetuta e parlamentit thotë në mënyrë tekstuale, se një ligj nuk mund të hyjë në rend dite pa kalaur 48 orë. Ti kryen një shkelje të rëndë ligjore të barabartë me banditët Rraja që rrihni qytetarët me shkopa bejsbolli.
Si mund ti lejosh vetes ti, një gjë të tillë. Nëse ju doni të bëni këtë gjë, ndryshoni rregulloren e parlamentit me procedurën e saj, dhe pastaj zbatoni marrëvreshjen Rama-Doshi, Doshi-Rama dhe Gjinushi. Por ky është i turpshëm, është një akt i turpshëm kjo që bëni. Ky është një provokim i ulët, një shkelmim i ligjeve.
Kur kryetarja e parlamentit që duhet të jetë mbrojtëse, zbatuese kryesore e rregullores, apo kushtetutës së parlamentit e shkelmon atë me dy këmbët, për interesat e Skënder Gjinushit, Tom Doshit dhe Edi Ramës, ky është fundi i këtij parlamenti”, tha Berisha./Opinion.al
