Një nga producentët e serisë ‘Rikoshet’, Sasha Mirkoviç, është sulmuar sot në Mitrovicë pasi ka tentuar t’i bëjë një pyetje presidentit, Aleksandar Vuçiç, se përse është vrarë Oliver Ivanoviç.
Ndërsa Mirkoviç qëndronte pranë presidentit të Serbisë në praninë e progresistit kontrovers Millan Radojiçiç, i cili ishte në shoqërinë e disa njerëzve tullacë, papritmas dhe pa paralajmërim Mirkoviç është goditur me një pistoletë nga prapa në kokë nga disa “banditë” të Vuçiqit, shkruan Rikoshet duke shtuar se Vuçiç së bashku me grupin, me shpejtësi u largua nga vendi.
Me të gjitha torturat e përjetuara të Mirkoviçit me familje, kjo është vetëm një e radhës, shkruan Rikoshet.
Ndërkohë, Sasha Mirkoviç ka dhënë një deklaratë për produksionin ku ka thënë se presidenti Aleksandër Vuçiç me njerëzit e tij, sulmojnë gjithmonë pas shpine.
“Si gjithmonë, njerëzit e Vuçiqit sulmojnë tinëzisht nga prapa! Ricochet do të zbulojë të vërtetën dhe premton, se kur ta shohin Vuçiçin do ta godasin me shuplakë. Ai është aq frikacak sa që gjithmonë është i rrethuar nga të paktën dhjetë gorilla. Turp të kesh, Aleksandër!”, ka thënë ai për Rikoshet, raporton KP.
