Bota

Parada pa raketa bërthamore, Presidenti Trump përgëzon liderin Koreano-Verior


Bëhu pjesë e Grupit Zyrtar të Opinion.al
>> KËTU <<
               Publikuar në : 22:35 - 09/09/18 |
b.f

Presidenti i Shteteve të Bashkuara, Donald Trump tha të dielën se ishte “një shprehje e rëndësishme dhe shumë pozitive” fakti që Koreja e Veriut organizoi paradën e fundit ushtarake pa përfshirjen e zakontë të armëve bërthamore.

Udhëheqësi amerikan, që po përpiqet të detyrojë udhëheqësin e Koresë së Veriut Kim Jong Un të braktisë arsenalin bërthamor të vendit të tij, tha në Twitter, “Faleminderit Kryetari Kim”, pas paradës së Phenianit, që feston 70-vjetorin e themelimit të vendit, ku nuk u përfshinë raketat balistike ndërkontinentale.

“Ne të dy do t’u tregojmë të gjithëve se e kishin gabim!” tha Trump rreth negociatave të ngecura rreth çnuklearizimit të gadishullit Korean. “Nuk ka gjë më të mirë se sa dialogu i mirë mes dy njerëzve që pëlqejnë njëri-tjetrin! Më mirë nga koha para se të merrja detyrën”.

Trump, duke cituar komentet e rrjetit të tij të preferuar mediatik Fox News, tha se “Ekspertët besojnë se Koreja e Veriut nuk përfshiu raketat bërthamore për t’i treguar presidentit Trump angazhimin e saj për çnuklearizm”.

Parada ushtarake u mbajt në një kohë veçanërisht delikate për Korenë e Veriut. Veriu po përpiqet të lehtësojë tensionet me Shtetet e Bashkuara, pas samitit të qershorit midis Donald Trump dhe Kim Jong Un në Singapor./VoA

Pas